Ish-ministri i Drejtësisë, Ylli Manjani, ka zbuluar se ka refuzuar ftesën për të marrë pjesë në ceremoninë e organizuar për 3-vjetorin e miratimit të Reformës në Drejtësi.
Ai tregon se nuk arriti t’i përgjigjej ftesës, për shkak se nuk ishte në Tiranë, por duke u relaksuar pranë detit. Manjani shton edhe më tej dozën e ironisë, duke thënë se u mblodhën dje, por nuk e kuptoi se për çfarë festuan. Për të, padroni i tyre, kryeministri Rama ka pushtetin i vetëm përballë të gjithëve.
Statusi
KLGJ, KLP dhe Shkollën e Magjistraturës i falenderoj sinqerisht që më ftuan dje në të tretat e miratimit të ndryshimeve Kushtetuese. Nuk isha në Tiranë dhe s’mund të shkoja, për t’iu përgjigjur respektit të ftesës.
Ndjesia që kisha për t’ua përplasur në fytyrë shprehjen “ju kisha thënë, por smë dëgjuat” ishte e fortë.
Nga ana tjetër, kot është dhe kjo gjë se të gjithë ata dje nuk kanë veshë për të dëgjuar.
Nuk janë ata sigurisht as padronët e drejtësisë katrahurë që kemi sot e as miratuesit e ndryshimeve kushtetuese. Në fakt nuk e kuptova, se çfarë festuan?!!
Padroni i tyre shëtit me kalë në pushtet. I vetëm përballë të gjithëve.
Kështu që më mirë që nuk isha në Tiranë. Deti është më i këshillueshëm.
