Pas spektaklit të së premtes, Beatrix i ka vënë në dukje Donaldit të gjithë pakënaqësitë. Gjatë javëve të fundit është reflektuar edhe një largim mes të dyve, por Beatrix e ka shfaqur edhe më shumë lëndimin. Ish-konkurrenti Ardit Çuni, teksa ka qenë i ftuar në emisionin “Fun Club”, tha se Donaldi është distancuar në raportin në çift. Sipas tij, kjo ka ndodhur pas hyrjes së Romeos në shtëpi.
“Shpresoj që Trixa mos të jetë personi që do lëndohet, mos të dali e lënduara në këtë histori. Nuk po them që Donaldi po e bën kastile, ose po e bën me një qëllim të caktuar sepse s’ka diskutim që Donaldi e ka humbur deri diku atë orientimim dhe po bën gjëra realisht si po i ndjen në moment, pa e menduar sa do të ndikojë te finalja e tij, çmimi i tij, e shumë të tjera”, ka thënë ai.
Mendon që Donaldi e ka shkëputur komplet fokusin nga loja dhe po jeton emocionet e tij?
“Nuk mendoj që po e bën me qëllim, nuk mendoj që Donaldi po i ndjek më qëllimet. Nëse në fillim Donaldi hyri dhe e dinte qëllimin dhe që çmimi është aty, tani nuk mendoj më që e ka atë gjënë si kryesore, e ka humbur pak orientimin drejt çmimit.
Ama shikoj krisje në marrëdhënien e tyre, siç pritej nga publiku. Donaldi është distancuar, arsyet nuk di të t’i them se nuk jetoj në shtëpi më, por ndoshta që nga momenti që takoi Romeon.
Do të thoja që nëse ka marrë një mesazh që të distancohet dhe të veprojë menjëherë të nesërmen, del i dobët nga të dyja anët”.
