Nga Gjykata e Tiranës, ish-deputeti demokrat Klevis Balliu, ka lëshuar një lum akuzash ndaj kryetarit të Bashkisë së Tiranës, Erion Veliaj, për përfshirje në afera korruptive në fondet për mbjelljen e pishave në autostradë. Ai ka apeluar që të bëhet drejtësi, ndërsa shigjeton Veliajn se ka vjedhur miliona euro.
“Kjo aferë korruptive është nisur nga Erion Veliaj dhe Fusha SHPK, për të vjedhur paratë e qytetarëve. Sot ata as nuk denjuan të vinin në këtë seancë gjyqësore.
Gjyqi u shty. Kjo mazhorancë e sheh shtetin si pronë familjare, ku nuk respektohen as Gjykata dhe as Prokuroria, sepse i ka të tijat. Kemi shkelje flagrante të neneve ligjore dhe nuk ka asnjë reagim.
Veliaj duhet të vinte sot për të dhënë shpjegim për këtë aferë korruptive. Ashtu si në rastin e Ardit Gjoklajt, ai po përpiqet t’i shpëtojë drejtësisë. Ai është hajduti më i madh, dhe vetëm me pemë ka vjedhur miliona euro. Imagjinoni çfarë ka bërë me kullat. I bëj thirrje Prokurorisë që të reagojë. Qytetarët nuk kanë bukë të hanë, këta vjedhin miliona euro vetëm me pemë. Shumë shpejt prova të tjera do dalin për Veliajn”.
