Gazetari investigativ Artan Hoxha ka debatuar me tone të ashpra me ish-deputetin e PD-së, Mark Marku, referuar dosjes 339 ku dyshohet se është i përfshirë edhe Vangjush Dako. Mes palëve ka patur akuza të ndërsjellta në emisionin “Opinion”, por e rëndë është fakti ku Marku akuzoi Hoxhën se ka tre vite që i shërben mafias. Ai aludoi në studio se Hoxha mund të punojë edhe për shërbimet sekrete. Këto akuza të forta duket se bënë që gazetari Hoxha të acarohej së tepërmi gjatë emisionit.
Mark Marku: Në dy përgjime ka dalë implikimi i drejtpërdrejtë i strukturave të këtij zotërisë, janë dy raste ekzemplare ku del implikimi i shtetit. Kemi qenë në këtë emision kur ka qenë fushata dhe unë kam thënë se në Durrës po paguhen nga 50 Euro për votues, e kam thënë unë që nuk jam as hetues, as jam bashkëpunëtor i shërbimeve sekrete, siç janë këta. Janë manipuluar vota. Duhen dy palët që të vërtetojnë deklarimin e votave, ai që i ka blerë dhe ai që i ka shitur.
Blendi Fevziu: Edhe thirrja e Dakos nuk e zbardh më?
Mark Marku: Patjetër, nuk kanë për ta nxjerrë, pse Prokuroria e Arta Markut. Ti mendon se do e nxjerrë Prokuroria e Arta Markut që është zgjedhur në mënyrë të paligjshme. Se po bëjmë avokatin e mafias në Shqipëri, të gjithë në vend, shtypi, media dhe kjo po na shkatërron ekonominë, rendin. Po vriten njerëz. Edhe mediat po bëjnë avokatin e mafias.
Artan Hoxha: Ne po kërkojmë të hetohet i gjithë trafiku i kokainës. Problemi është kryeministri Edi Rama. Nuk është Dako…
Mark Marku i drejtohet Hoxhës: Ti e mbron, duke krijuar alibinë e tyre, unë, tjetri – tjetri, mos bëni avokatin e tyre….
