Ish-deputeti Tritan Shehu, rikthen në vëmendje efektet që la pas vendimi për mos-hapjen e negociatave për Shqipërinë dhe Maqedoninë e Veriut.
Në komentin e radhës në rrjetin social, ai thotë se nën sundimin e Rilindjes, shqiptarët kanë rrezikuar integrimin.
Duke iu referuar edhe qëndrimit të mëhershëm të kryeministrit, Tritan Shehu ia bën të qartë se shkakun duhet ta gjejë tek politikat e tij, deformimet e thella të demokracisë që u krijuan në këto 6 vite.
Statusi
Z.Kryeminister, mos beni te çuditurin sot, jeni ju qe po na çoni ne nje tragjedi te trete! Rama teatral po proteston ne “Financial Times” ndaj Frances e Brukselit per bllokimin prej 5 vitesh te procesit te integrimit, duke folur per nje shkeputje te trete!
Eshte e vertete qe shqiptaret ne histori kane pasur dy periudha tragjike, ato te shkeputjes se dhunshme nga Europa, gjate sundimit otoman dhe atij komunist.
Fatkeqesisht nen sundimin e Rilindjes po rrezikojme per te treten here kete tragjedi, duke stopuar integrimin e ndertuar ketu nje autokraci lindore.
Shteti i sotem, arroganca, sistemi i drejtesise i dekapituar, “Kuvendi” 122-sh, pushteti lokal i emeruar, grupet kriminale e droga qe kontrollojne institucionet e deri te eksodet masive te qytetareve tane me shume se nga Afganistani e Siria, flasin per nje devijim te demokracise Perendimore drejt nje despotozmi Lindor.
Politikat tuaja te jashtme, lidhjet, aleancat, preferencat personale e deri te kondicionimet qe ju imponohen, predominojne dukshem me Lindjen.
Ndersa sot po çuditeni pse Europa, jo vetem Franca, eshte skeptike e po bllokon integrimin tone prej vitit 2015, kur Macron mbas te cilit ju tentoni te fshiheni, nuk ishte akoma President.
Shkakun kerkojeni te politikat tuaja, deformimet e thella te demokracise qe u krijuan ne keto 6 vite, te modeli Lindor qe doni te ndertoni ne nje vend Perendimor, duke rrezikuar keshtu nje tragjedi te trete per shqiptaret.
Veçse kohet kane ndryshuar, shqiptaret nuk do tja lejojne me askujt nje katastrofe te tille.
