Deputetja demokrate Jorida Tabaku ka komentuar samitin e BE në Bruksel, ku tha se Rama bëri si trim, sikur s’do merrte pjesë në Samit, por shkoi me një këmbë si çeço. Ajo nuk e ka kursyer ironinë, teksa ka komentuar zhvillimet në kuadër të Samitit të BE-së në Bruksel.
Teksa ka gjetur kohë të falenderoj familjen e forcave demokrate PPE për angazhimin për të zgjidhur ngërçin e krijuar me veton e Bullgarisë, Tabaku tha se kryeministri Edi Rama “shkoi me një këmbë, si çeço” në Samit, pas paralajmërimit të tij se s’do merrte pjesë.
“Bëri të fortin e lagjes, duke mbledhur edhe trimat rreth e rrotull të vendeve te rajonit, por megjithatë shkoi në konferencë.
Ashtu siç e thashë para pak ditësh me një këmbë shkoi Rama atje në konferencë, si çeço pavarësisht se bëri të fortin e lagjes duke mbledhur edhe trimat rreth e rrotull të vendeve te rajonit, shkoi”, tha Tabaku.
Ndërkohë, kryetarja e Kuvendit Lindita Nikolla ia mbylli mikrofonin, duke iu drejtuar me fjalët: “Nuk është procedurë, ju dëgjuam.”
