Irani planifikon të furnizojë Rusinë me qindra dronë, potencialisht për luftën e tij në Ukrainë, disa me aftësi luftarake, ka thënë një zyrtar amerikan. Këshilltari i Sigurisë Kombëtare i Shtëpisë së Bardhë, Jake Sullivan, tha se informacionet e marra nga SHBA-ja sugjerojnë se Irani po përgatitet të trajnojë forcat ruse për përdorimin e dronëve. Ai shtoi se ishte e paqartë nëse Irani i kishte dorëzuar ato.
Dronët kanë qenë pjesë përbërëse e luftës së vazhdueshme për Ukrainën dhe Rusinë. Vetëm javën e kaluar, Ukraina bëri thirrje për donacione të mijëra dronëve, për të ndihmuar përpjekjet e saj të luftës.
Sullivan shtoi se inteligjenca e marrë nga SHBA-ja, mbështet pikëpamjen se sulmi i Rusisë në Ukrainën lindore “po vjen me një kosto për ruajtjen e armëve të veta”. Ai gjithashtu vërejti se dronët iranianë janë përdorur më parë nga rebelët Houthi të Jemenit, për të sulmuar Arabinë Saudite.
Komentet e tij erdhën përpara vizitës së presidentit amerikan Joe Biden në Izrael dhe Arabinë Saudite këtë javë. Asnjë prej vendeve nuk i është bashkuar deri më tani sanksioneve kundër Rusisë për luftën e saj në Ukrainë. Izraeli e sheh Iranin, i cili kërkon eliminimin e tij, si kërcënimin më të madh rajonal.
Lufta me dron të fshehur i paraprin betejës së radhës në Ukrainë. SHBA-ja dhe aleatët e tjerë kanë furnizuar Ukrainën me armë në vlerë miliarda dollarë që nga pushtimi në shkurt.
Sullivan tha se SHBA-ja do të vazhdojë “të mbështesë mbrojtjen efektive të Ukrainës”.
Burimi i lajmit: BBC. Përshtatur nga Tirana Today
