Irani ka lëshuar urdhërin e dytë për arrestimin e presidentin amerikan, Donald Trump lidhur me vrasjen me dron të gjeneralit Qasem Soleimani.
Daily Mail shkruan se Irani ka kërkuar nga organizata ndërkombëtare e policisë për të arrestuar Trumpin dhe 48 zyrtarë të tjerë amerikanë të identifikuar që kanë luajtur rol në vrasjen e gjeneralit të lartë Qassem Soleimani vitin e kaluar.
“Republika Islamike e Iranit po ndjek shumë seriozisht ndjekjen dhe ndëshkimin e atyre që urdhëruan dhe ekzekutuan këtë krim,” u tha gazetarëve zëdhënësi i drejtësisë Gholamhossein Esmaili.
Në qershor të vitit të kaluar, Irani lëshoi urdhërin e parë për arrestimin e Trump dhe dhjetra zyrtarëve të tjerë të Uashingtonit, duke thënë se ata ishin përgjegjës për ‘vrasje dhe terrorizëm’.
Interpoli, me qendër në Lyon, Francë, e refuzoi atë kërkesë me arsyetimin se policia ndërkombëtare nuk përfshihet në politikë.
Vrasja e Soleimanit erdhi në kulmin e tensioneve në rajon, me sulme të shumta ndaj personelit amerikan, ambasadës në kryeqytetin irakian, rrëzimin e një droni amerikan mbi Gjirin Persik dhe konfiskimin e cisternave të naftës.
