“Me qindra raketa gati për t’u lëshuar për këdo që kërcënon Iranin”.
Në kuadër të tensioneve ndërmjet SHBA-së dhe Iranit, kjo e fundit me sajë të televizionit kombëtar i ka treguar botës disa nga resurset e saja ushtarake.
Agjencia e lajmeve iraniane Tansim publikoi fotografi të njërës nga bazave nëntokësore të Korpusit të Gardës Revolucionare Islamike të Iranit, të martën. Sipas spikerit në bazë ishin me qindra raketa me rreze të ndryshme të gatshme të lëshohen kurdoherë për këdo që mendon t’i hapë luftë republikës Islamike.
Agjencia e lajmeve Tansim ka raportuar se nga kjo bazë janë lëshuar edhe dy prej 15 raketave balistike që goditën bazat amerikane Ain al-Assad në Irak.
Me vetëkënaqësi të madhe Komandanti i Forcave Ajrore të Gardës Revolucionare Islamike, Ali Hajizadeh, i tregoi agjencisë së lajmeve se Irani ka bunkerë në gjithë vendin në thellësi deri në 500 metra nëntokë, që mbajnë arsenale që mund të mbrojnë vendin nga çdo rrezik.
Vetëm 6 vitete e fundit janë ndërtuar dhe 3 qytete të tjera nëntokësore për raketat dhe personelin ushtarak.
Zbulimi i depove të raketave balistike u bë pasi Franca, Britani dhe Gjermani formalisht nisën mekanizmin e shkeljes së marrëveshjes bërthamore me Iranin të martën, duke e akuzuar zyrtarisht Iranin për shkelje të marrëveshjes.
