Kosova do ta mbyllë këtë tur miqësoresh vetëm me ndeshjen që zhvilloi me Shqipërinë, pavarësisht se një ditë më parë u fol se do të përballej me Iranin. “Dardanët” kanë pasur kontakte me Federatën Iraniane, pasi ka pasur disa kërkesa të çuditshme, që nuk janë të pranueshme nga Federata e Kosovës. Irani anuloi ndeshjen me Greqinë për shkak të sponsoreve, pasi kishte një kompani bastesh dhe një pije alkoolike, të cilat ishin rreptësisht të ndaluara të shfaqeshin në televizionet iraniane.
Ndërsa për miqësoren me Kosovën ata kanë kërkuar që ndeshja të zhvillohet në Stamboll dhe pa praninë e tifozëve. Ndaj pas konsultës me trajnerin Challandes është vendosur që “Dardanët” ta mbyllin pa një miqësore
“Nuk do të luhet ndeshja me Iranin, vendimi është marrë në konsultim me trajnerin Challandes. U vumë disa kushte sportive organizatorëve, që nuk u pranuan. Na kërkuan të luanim në Stamboll, pa tifozë, por ne i ndërpremë bisedimet. Kosova do të qëndrojë edhe dy ditë në grumbullim dhe që nga e shtuna futbollistët do të shpërndahen. Të shtunën ose të dielën do të kthehemi në Kosovë”, shprehet Vokrri për Supersport.
https://tiranatoday.com/irani-nuk-toleron-alkoolin-anulon-miqesoren-me-greqine-per-kosoven/
