Irani ka ofruar 80 mijë dollarë dëmshpërblim për secilën viktimë të aksidentit ajror të 8 janarit, ku avioni ukrainas shpërtheu në ajër pasi u qëllua me raketë nga ushtria iraniane. Lajmin e ka bërë të ditur presidenti i Ukrainës, Volodymyr Zelenskiy. Për të, kjo shumë është fyese dhe ai nuk e ka pranuar.
“Sigurisht, jeta e njeriut nuk mund të matet me të holla, por ne do të bëjmë përpjekje për më shumë dëmshpërblime për familjet e viktimave”, tha presidenti Zelenskiy.
Kujtojmë që në aksident vdiqën 176 persona, pasi avioni i “Ukraine Airlines” u qëllua me raketa nga forcat e mbrojtjes ajrore të Rojeve Revolucionare të Iranit.
Sakaq, presidenti ukrainas tha se Irani ende nuk i ka dorëzuar kutitë e zeza.
