Presidenti i zgjedhur i Iranit thotë se nuk është i gatshëm të takohet me Presidentin Joe Biden.
Ebrahim Raisi, kur u pyet mbi një takim me Biden, tha thjesht, “Jo”.
Konkurrenti i moderuar i Raisi në zgjedhjet e fundit, Abdolnasser Hemmati, tha se ai do të ishte i gatshëm të takonte Biden.
Ndërkohë, Raisi e quajti veten një “mbrojtës i të drejtave të njeriut” pasi u mor në pyetje drejtpërdrejt në lidhje me përfshirjen e tij në ekzekutimet masive të rreth 5,000 njerëzve në 1988-ën. Raisi ishte pjesë e të ashtuquajturit “komiteti i vdekjes” që dënoi njerëzit me vdekje në fund të luftës Iran-Irak të viteve 1980.
Raisi i bëri komentet të hënën në një konferencë shtypi me gazetarët, e para e tij pasi fitoi zgjedhjet e së premtes./AP
