Ekipi i inxhinierëve të ardhur nga Shtetet e Bashkuara të Amerikës përfunduar ditën e djeshme vlerësimin strukturor të 14 ndërtesave në Durrës, pas tërmeti të 26 nëntorit. I cili shkaktoi pasoja tragjike.
Kjo është bërë e ditur nga Ambasada e SHBA-ve në Tiranë, e cila nënvizoi se partneri i tyre vendor, Kryqi i Kuq Shqiptar, ka shpërndarë ndihma për 70 familje të prekura nga fatkeqësia natyrore.
“Zyra për Ndihmë të Jashtme në raste Fatkeqësish e USAID në Shqipëri vazhdon të mbështesë përpjekjet për ndihmë ndaj tërmetit të 26 nëntorit. Dje, partneri i tyre vendor, Kryqi i Kuq Shqiptar shpërndau ushqime, batanije dhe artikuj higjiene për 70 familje, ndërsa ekipi i inxhinierëve mbaruan vlerësimin strukturor të 14 ndërtesave në Durrës. #ShbaQendronKrahShqiperise”, thuhet në njoftimin e ambasadës së SHBA.
