Pas dhënies së masës së sigurisë për 23 kuksianët të cilët u arrestuar për protestën te “Rruga e Kombit”, ka reagur Partia Demokratike me anë të një statusi në “Facebook”, ku shkruan:
Proçesi është në shkelje të rënda të të drejtave të njeriut! Prokuroria dhe policia kanë vepruar si organizata politike, nën urdhrat e Edi Ramës, duke mos zbatuar ligjin, duke cënuar në mënyrë flagrante të drejtat e njeriut!
Disa prej të arrestuarve nuk ka qenë fare në protestë.
Nga dëshmitë kuptohet se arrestimet janë bërë për të ushtruar terror tek shqiptarët, duke lënë të lirë kriminelët dhe duke arrestuar qytetarët!
Rasim Kaloshi, ka qene me vendim në arrest shtëpie. Nuk ka asnjë foto, asnjë pamje që ka qenë në proteste. Policia ka shkuar dhe e ka marre në shtepi dhe e ka sjellë në Tiranë.
Shpëtim Tota ka qenë në një lokal. Nuk ka qene në protestë. Ka edhe foto në lokal me miq që vërteton që nuk ka qenë në protestë.
Lefter Rexhmati është me 3 fëmijë, një vajzë e paralizuar, e traumatizuar gjatë arrestimit.
Adem Duraku, invalid, së bashku me të shoqen, është paraplegjik me karrocë. Është arrestuar në mënyrë të paligjshme. Në vend që të shkojë në spital, rrethohet me polici.
