8 nxënës janë intoksikuar në një shkollë në Shupenzë, Bulqizë, dhe një prej tyre është nisur me helikopter drejt Tiranës për të marrë trajtim të duhur mjekësor.
Raportohet se një nxënëse është trajtuar në spitalin e Dibrës dhe 6 të tjerë në spitalin e Bulqizës.
Inspektorët kanë kryer kontrollet përkatëse nga ku rezulton se disa nxënës kanë hedhur një lloj parfumi të rëndë me qëllim pamundësimin e zhvillimit të mësimit duke sjellë dhe vështirësi në frymëmarrje tek nxënësit, të vjella dhe marrje mendsh. Në shkollë ndodhen mjekë dhe infermierë të qendrës shëndetësore Shupenzë, për të mbajtur nën vëzhgim nxënësit e tjerë në rast të komplikacioneve të mundshme.
