Premier Liga po “çmendet” për Nicolò Barellan. Sipas raportimeve nga ‘TuttoSport’, Chelsea, Manchester United dhe Liverpool janë të gatshëm të ‘sulmojnë’ mesfushorin me oferta me vlerë diku tek 70 milion euro. Marotta, megjithatë, nuk dëgjon: kampioni i Europës nuk mund të transferohet, pasi cilësohet një pikë fikse për të ardhmen e Interit dhe me perspektivë rinovimi. Thelbi lidhet me pagën: nga 2.5 milion mund të arrijë në 4 milion plus bonuse.
Një tjetër lojtar i madh mbetet në shënjestrën e Premier League. Po flasim për Milan Skriniar që i pëlqen Tottenhamit, që është duke kërkuar një mbrojtës të nivelit të lartë në këtë dritare të tregut të transferimeve. Flitet për 45 milion euro si çmim për kartonin e tij. Ish lojtari i Sampdorias mbetet një alternativë e nivelit të lartë përballë Joules Koundé të Sevillas që duket më i arritshëm, pasi vetë Skriniar nuk duket i bindur të largohet nga Interi.
