Inteligjenca amerikane ka analizuar se në dy ditët e ardhshme Irani mund të kryejë lëvizjen e parë në formë hakmarrje për vrasjen e gjeneralit Qassem Soleimani. Sipas analizave të tyre, në shënjestër është vënë një nga komandantët më të lartë amerikanë.
Ndërkohë, SHBA-ja është gati për skenarët e mundshëm. Më herët, Departamenti i Mbrojtjes bëri me dije se 6 bombardues të rëndë b-52 janë dërguar në një nga bazat amerikane dhe do të jenë në gadishmëri për të bombarduar Teheranin në rast të një sulmi ushtarak.
Përmes një postimi në rrjetet sociale, kreu i Shtëpisë së Bardhë shkruan me shkronja kapitale se “Irani nuk do të ketë kurrë armë bërthamore”, duke nënkuptuar këtu se Shtetet e Bashkuara nuk do e lejojnë këtë gjë.
