Napoli “anuloi” Juventusin një natë më parë në “Allianz Stadium” duke e dominuar në lojë dhe me një gol në minutën e fundit rihapi kampionatin. Tashmë bardhezinjtë nuk mund të gabojnë në asnjë sfidë, pasi Napoli qëndron një pikë pas.
Pas ndeshjes sulmuesi i Napolit nuk është kursyer aspak me ironinë për ekipin e Juventusit. Pyetjes së një gazetari: “Juventus e ka luajtur si një finale të Champions-it dhe e ka humbur?”, sulmuesi italian i është përgjigjur duke qeshur: “Janë mësuar” dhe ka shtuar “tani duhet të mendojmë për veten dhe ta shijojmë këtë fitore”.
Një fitore që ka ardhur katër ndeshje para fundit dhe që ka rihapur kampionatin duke e dërguar skuadrën e Maurizio Sarri-t një pikë larg asaj të Allegri-t.
