Presidentit amerikan Donald Trump, ende nuk i ka dalë inati me OBSH. Ai ka sulmuar sërish Organizatën Botërore të Shëndetit, duke e akuzuar atë se nuk paralajmëroi transmetimin e virusit nga njeriu te njeriu.
Me anë të një postimi në Twitter, Trump shprehet: “Pse OBSH injoroi një email nga zyrtarët e shëndetësisë në Taivan, në fund të dhjetorit që paralajmëruan për mundësinë që coronavirus të transmetohej midis njerëzve?
Pse OBSH bëri disa pretendime në lidhje me coronavirusin që janë ose të pasakta ose mashtruese në janar ose shkurt, pasi virusi u përhap në botë? Pse OBSH priti aq shume kohë për të ndërmarrë një veprim vendimtar?”.
Presidenti ka hedhur akuza mbi OBSH, se nuk e ka menaxhuar mirë situatën, dhe se ka fshehur përhapjen e Covid-19 që prej shpërthimit në Kinë.
