Biznesmeni britanik Steve Walsh ka infektuar 11 persona me koronavirus.
Ai kishte marrë virusin në Singapor dhe e shpërndau atë teksa ndodhej në një pistë skijimi në Francë.
Mirëpo Walsh nuk ishte në dijeni të asgjëje, derisa mësoi se kishte koronavirus.
Momentalisht ai ndodhet i izoluar, edhe pse gjendja e tij shëndetësore është e mirë.
Biznesmeni ka folur së fundmi lidhur me ngjarjen dhe ka treguar se është shumë i mërzitur.
Ai shpreh keqardhje për personat që infektoi dhe tha se vetë është plotësisht i shëruar nga virusi.
Pesë nga rastet që besohet se Walsh u ngjiti virusin, janë në Angli, pesë janë në Francë dhe një është në Majorka, Spanjë.
