Bota

Eksperti jep paralajmërimin e fortë: Coronavirusi mund të prekë 60% të botës


               Publikuar në : 17:43 - 11/02/20 M S

Coronavirusi ka marrë në mënyrë masive jetë njerëzish, e për fat të keq ende nuk është gjetur vaksina kundër këtij virusi vdekjeprurës. Një ekip me shkencëtarë britanikë, kanë deklaruar se janë të parët që kanë nisur testimin e kafshëve me një vaksinë për coronavirusin e ri.

Sipas mediave të huaja, studiuesit në “Imperial College London” kanë deklaruar se qëllimi i tyre ishte të gjenin ilaçin kundër virusit në Kinë, deri në fund të 2020. Një ekspert nga Hong Kong-u ka paralajmëruar se coronavirusi mund të prekë 60% të botës.

Sipas epidemiologut më të mirë të shëndetit publik në Hong Kong, Gabriel Leung, epidemia e coronavirusit mund të prekë dy të tretat e popullsisë së botës, nëse nuk mbahet nën kontroll. Leung është një nga ekspertët më të njohur në botë për sa i përket epidemive të coronaviruseve, dhe ka luajtur një rol tejet të rëndësishëm gjatë shpërthimit të SARS në vitet 2002-2003.

Kreu i Mjekësisë së Shëndetit Publik në Hong Kong University, Profesor Gabriel Leung, është shprehur se është me rëndësi zbulimi i madhësisë dhe formës së këtij ajsbergu.

Shumica e ekspertëve thonë se çdo person i infektuar ua transmeton virusin 2.5 njerëzve të tjerë. Kjo përkthehet në infektim të 60-80% të popullsisë. “60% e popullsisë së botës është një numër jashtëzakonisht i madh”, tha Leung për “The Guardian”, rrugës për një takim në zyrat e OBSH në Gjenevë.

Edhe nëse norma e vdekshmërisë është vetëm 1%, që Leung mendon se është e mundur, numri i të vdekurve do të kapte vlera të frikshme.

Kina ka shpikur një aplikacion që lejon njerëzit të kontrollojnë nëse janë të rrezikuar nga virusi.

‘Aplikacioni zbulues’ u tregon  përdoruesve nëse ata kanë qenë pranë një personi që është konfirmuar, ose dyshohet se ka virus. Personat e identifikuar në rrezik këshillohen të qëndrojnë në shtëpi, dhe të informojnë autoritetet lokale shëndetësore.

Pasi aplikacioni regjistrohet me një numër telefoni, përdoruesve u kërkohet të shkruajnë emrin dhe numrin e tyre të identitetit. Çdo numër i regjistruar i telefonit mund të përdoret më pas për të kontrolluar gjendjen.


Kthehu
WhatsApp Denonco ne TT