Ish-Sekretari i Përgjithshëm i NATO-s Javier Solana ka rezultuar se është i infektuar me koronavirus.
Mediat e huaja raportojnë se ai është shtruar në spital pasi gjendja e tij shëndetësore nuk ishte aspak e mirë.
Solana, 77 vjeç, shërbeu si Sekretar i Përgjithshëm i NATO-s nga 1995 deri në 1999, pastaj si Përfaqësues i Lartë i Bashkimit Evropian për Punë të Jashtme nga 1999 deri në 2009.
Kujtojmë se Spanja ka konfirmuar më shumë se 1.500 raste të reja të koronavirusit në më pak se 24 orë, duke rritur totalin e saj në 5,753 raste.
Midis atyre që janë infektuar janë edhe dy anëtarë të kabinetit të Kryeministrit Spanjoll Pedro Sanchez.
