E mërkurë, 27 Janar, 2021
1 C
Tirana

Indi, thirrje për bojkot të mallrave kineze

Në Indi, ndjenjat anti-kineze janë përshkallëzuar ndjeshëm pasi dhuna më e ashpër në 50 vjet mes rivalëve aziatikë përgjatë kufirit të tyre të debatueshëm, çoi në një përballje ushtarake.

Kriza pritet të ndikojë në marrëdhëniet tregtare mes dy vendeve më të mëdha të Azisë pasi qeveria indiane po shqyrton masat për t’i bërë presion Pekinit. Por India ka një fuqi të kufizuar ndaj ekonomisë më të madhe të Kinës.

Skenat e protestuesve që iu vunë zjarrin mallrave kineze dhe thirrjet për tëbojkotuar produktet kineze kanë rezonuar në të gjithë Indinë pasi 20 ushtarë indianë u vranë në mes të qershorit në një përleshje me trupat kineze.

Në hakmarrjen e saj më të fortë kundër Pekinit, qeveria e Nju Delhit ka ndaluar 59 aplikacione kryesisht kineze, siç është më popullori, TikTok.

Masa do të dëmtojë qasjen e miliona të rinjëve indianë tek kompanitë kineze.

Një organizatë e shquar tregtare indiane u ka bërë thirrje dyqaneve të zëvendësojnë një sërë mallrash kineze në raftet e tyre, gjatë 18 muajve të ardhshëm.

“Brenda këtij afati kohor, ne kemi vendosur objektivin për të zvogëluar importet nga Kina në masën 13 miliardë dollarë”, thotë Praveen Khandelwal, sekretar i përgjithshëm i Konfederatës së Tregtarëve Indianë.

Ndjenjat anti-kineze që po zjenin që nga pandemia e koronavirusit, janë ndezur në Indi pasi mosmarrëveshjet territoriale nxitën një përballje ushtarake.

Por mund të mos jetë e lehtë për Nju Delhin të mënjanojë veten nga partneri i saj i dytë më i madh tregtar.

Mallrat e prodhuara nga kinezët janë kudo – nga lodrat që prindërit blejnë për fëmijët e deri tek telefonat inteligjentë në duart e shumicës së të rriturve.

“Do të më duhet të heq rreth 40 deri 50 përqind të furnizimeve nëse duhet të mbaj vetëm mallra indiane”, thotë Sahil Sharma.

Industritë më të mëdha të Indisë, si ajo e makinave, elektronike dhe farmaceutike, gjithashtu varen shumë nga komponentët kinezë.

Analistët thonë se gjetja e furnitorëve alternativë do të ishte e vështirë.

“E gjithë kjo po vjen në një kohë të gabuar sepse industria nuk është në gjendje të mëkëmbet pas pandemisë.

Nëse mbi problemin që ata kanë, fillojnë të përballen me kufizime të furnizimit, atëherë industria indiane nuk do të mëkëmbet kurrë nga tronditja që ka marrë tani”, thotë Biswajit Dhar në Universitetin Jawaharlal Nehru.

Sidoqoftë, India po kërkon të zvogëlojë varësinë nga Kina.

Kompanive hekurudhore dhe të sektorit publik u është kërkuar të mos japin kontrata të reja për kompanitë kineze. Po bëhen përpjekje për të rritur prodhimin e brendshëm. Por procesi do të jetë i ngadaltë.

“Mund të presim që diçka të ndryshojë në planin afatmesëm, por jo detyrimisht në planin afatshkurtër”, thotë Biswajit Dhar.

Konsumatorët pajtohen. Ata thonë se mund të heqin dorë nga produktet kineze vetëm kur të kenë një zgjedhje.

“Është mirë të mbështetesh në forcat e tua dhe në se të gjithë kanë mendimin se nuk duhet të përdorim mallra kineze, mirë është. Por a do të ndihmojë? Jo. Ti përdorim dhe të ndërtojmë një opsion paralel gati, atëherë mund ti hedhim mallrat kineze në një dekadë”, thotë Pankaj Kitchlu banor i Nju Delhit.

Protestat si këto të shoqëruara me mosmarrëveshjet te vazhdueshme kufitare, mund të dëmtojnë marrëdhëniet tregtare 90 miliardë dollarëshe mes vendeve më të mëdha të Azisë. /Voa

- Reklama -

Më shumë nga kategoria




Të fundit

Video/ Tension dhe përmbysje, Interi eliminon Milanin në minutën e 97-të

Interi triumfoi me rezultatin 2-1 ndaj Milanit, në derbin e vlefshëm për çerekfinalen e Kupës së Italisë, ku nuk mundoi as tensioni. Ibrahimoviç dhe Lukaku...

Skënder Brataj tregon numrin e personelit mjekësor të vaksinuar

Drejtori i Urgjencës Kombëtare, Skënder Brataj ka bërë me dije shifrat e personelit mjekësor që është injektuar me vaksinën anti-covid deri më tani në...

Shkel rregullat e rrjetit social, Twitter i mbyll llogarinë Genc Pollos

Platfotma Twitter i ka mbyllur llogarinë ish-deputetit të PD, Genc Pollo, për shkak se ky i fundit ka shkelur rregullat e rrjetit social. Lajmin e...

Haradinaj mesazh Serbisë: Do forcojmë policinë dhe ushtrinë e Kosovës

Kandidati për President në Kosovë, Ramush Haradinaj ka përcjellë një tjetër për fqinjët, Serbinë. Haradinaj u shpreh se Kosova nuk do e mbajë më kokën...

Kur lali Eri gjobit Ndrangheta-n

Nga: Dritan Hila Sapo kapën implikimin e tre personave italianë që bënin kështjella në rërë për biznese në Tiranë dhe ku përmendej edhe mafia kalabreze,...