Një incident i ka ndodhur kryeministrit të Kosovës, Avdullah Hoti, ku i është ndërprerë fjalimi gjatë tryezës ku po flitej për dialogun me Serbinë. Aktivistet e PSD-së, Teutë Rrusti dhe Natyra Kuçi, janë rebeluar dhe kanë hedhur fletushka në drejtim të Hotit, ndërsa kanë shpërthyer edhe fishkëllimat.
Një prej aktivisteve, Teutë Rrusti ka thënë se dhuna në familje është rritur, dhe se kryeministri nuk shqetësohet për këtë çështje.
“Dhuna në familje është duke u rritë, ju nuk keni thënë asnjë gjë për këtë. Po flisni për pandeminë, e gratë po rrezikohen nga burrat. Atyre po iu mohohet e drejta e jetës. Për këtë arsye kemi vendosur që të ju ndërprejmë fjalën”, tha Teutë Rrusti.
Pas kësaj akti. kryeministri Hoti ka thënë se nuk është vendi për veprime të tilla, teksa shtoi se është e drejtë e tyre nëse duan të veprojnë ashtu.
