Regjisori Eduart Grishaj ka komentuar sot në emisionin “Wake Up” për eksperiencën e tij në program, shpallja e fituesit dhe si ndihet tani që do të bëhet baba për herë të dytë.
Në mediat rozë është përfolur për një hatërmbetje nga ana e Donaldit për fitoren e Ilirit. Grishaj është shprehur se të katër finalistët kanë qenë fitues në mënyrën e tyre, dhe vetëm një do ta fitonte çmimin e madh.
“Ne jemi mësuar me këtë gjë. Nuk njoh një shqiptar që pranon humbjen. Asnjë nga katër finalistët nuk ka humbur.
Gjithsecili mund të ishte fitues. Është problem i madh ky. Një do e fitoj çmimin e madh. Të gjithë konkurrentët që kanë qenë aty, kanë dalë fitues. Asnjë nuk duhet të mërzitet.
Të gjithë kanë dalë me dinjitet. Në asnjë “Big Brother” nuk kanë përfituar aq sa kanë përfituar, duke marrë vende pune, duke marrë kontrata shumë të mira, duke marrë shtëpi”.
