Kryeministri Edi Rama ka reaguar pas deklaratës së Sali Berishës, se kreu i qeverisë hoqi dorë nga kandidimi në Durrës pasi mori vesh se atje do të kandidonte edhe Lulzim Basha.
Nga Vlora, Rama tha se nuk ishte në dijeni të kësaj deklarate, teksa shtoi se Berisha është një njeri që duhet injoruar plotësisht.
“Do iu sugjeroj miqësisht që ta konsideroni për moshën që ka një njeri që thjesht duhet lënë në vetminë e tij dhe pastë jetë të gjatë e shëndet dhe i gëzoftë nipat e mbesat.
Shqipërisë dhe shqiptarëve nuk ka asgjë çfarë u jep më dhe fatkeqësisht për të dëgjuar atë që populli thotë mos ia dëgjo plakut, se është fatkeqësi për ata që e dëgjojnë.
Unë se kam dëgjuar fare se çfarë ka thënë është një njeri që duhet injoruar plotësisht”, tha ai.
