Kur kanë mbetur edhe pak orë për t’u mbyllur muaji Janar, ka reaguar ambasada amerikane në Tiranë, ndërsa ka kërkuar llogari për rezultatet konkrete në arrestimin e të ashtuquajturve “Peshqit e mëdhenj”.
Në reagimin e ambasadës kërkohet llogari ndaj politikanëve,prokurorëve dhe policëve, të cilët sipas ambasadës u zotuan se do të kenë veprime konkrete, por nuk ka asnjë rezultat në këtë premtim të dhënë më parë.
Ambasada e ShBA-së, shkruan se populli shqiptar do rezultate konkrete, por edhe komuniteti ndërkombëtar kërkon veprime konkrete, ndërsa e cilëson se pranvera e këtij viti është shumë e rëndësishme për Shqipërinë.
Postimi i ambasadës
“Politikanëve, policëve dhe prokurorëve: ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak.”
Ambasadori Donald Lu
