Forca të shumta policore janë dislokuar mëngjesin e sotëm në zonën e “Unazës së Re”. Pasi, Inspektorati Kombëtar i Mjedisit dhe Territorit do të vijojnë sërish aksionin për shembjen e ndërtesave që preken nga projekti.
Efektivët e policisë kanë krijuar një kordon në perimetrin e rrugës duke mos lejuar qarkullimin e automjeteve dhe njerëzve.
Deri më tani, nuk shënohet ndonjë incident apo shfaqje rezistence nga ana e banorëve kundrejt uniformave blu. Ata kishin paralajmëruar se do të vijonin rezistencën e tyre dhe nuk do të lejonin mjetet të shembnin banesa dhe biznese përgjatë këtij segmenti. Por deri më tani nuk paraqitet asnjë kundërveprim.
Kujtojmë se tre ditë më parë, IKMT njoftoi se u shembën 33 objekte.
