Lirohet nga detyra drejtori i Policisë së Elbasanit, Altin Qato. Ai është transferuar në Akademinë e Sigurisë së Policisë, ndërsa vendin e tij do e zërë Arjan Muça.
Muça ka qenë shefi i Njësisë Operacionale të Policisë së Shtetit që në kohën e qeverisjes Berisha, si dhe drejtoi operacionin e arrestimit të Dritan Dajtit në gushtin e 2009-ës kur u vranë 4 efektivë të policisë në Durrës.
Para se të komandohej drejtues në Policinë e Elbasanit, Altin Qato mbante detyrën e Zëvendës Drejtorit të Përgjithshëm të Policisë së Shtetit, ndërkohë që më parë ka qenë edhe Drejtor në Drejtorinë Kundër Krimit.
Qato ka drejtuar Drejtorinë e Policisë së Beratit, si edhe të Shkodrës për disa vite.
