Pasgoditjet e tërmetit të 26 nëntorit kanë vijuar edhe gjatë natës. Mirëpo, numri i tyre ka qenë më i kufizuar, si dhe magnituda më e ulët.
Sipas Institutit të Gjeoshkencave, Energjisë, Ujit dhe Mjedisit janë regjistruar pesë lëkundje tërmeti, me një magnitudë që ka ardhur në ulje.
Lëkundja e fundit e regjistruar për datën 4 dhjetor është ajo e orës 07:47 me epiqendër në Mallkuc, në një thellësi 12 km dhe me magnitudë 3.1.
Kurse lëkundja me magnitudë më të lartë për këtë datë ka qenë 3.2, dhe është regjistruar në orën 02:33, me epiqendër në Fushë Draci të Durrësit.
