“Icardi nuk luan? Atëherë jemi ne favoritët”: Dietmar Kuhbauer, trajneri i Rapid Vienne, bën humor gjatë konferencës për shtyp në vigjilje të ndeshjes së Europa League, duke komentuar përjashtimin e Mauro Icardi nga të grumbulluarit e Inter, pasi argjentinasit iu hoq shiriti i kapitenit.
“E rëndësishme është të kuptojmë si do të luajë skuadra – shtoi ai – ne jemi të përqendruar tek Inter e jo tek individët. Nëse nuk luan Icardi do të jetë dikush tjetër e ne duhet të jemi gati në çdo rast”.
Një ndeshje e rëndësishme për klubin austriak, që pavarësisht se në letër nuk është një kundërshtar problematik, është gati të përmbysë parashikimet. “Inter ka një vlerë merkato diçka më pak se 600 milionë.
Por paratë nuk luajnë futboll – shpjegoi trajneri – është rasti ynë i madh. Objektivi ynë është të gjunjëzojmë një kundërshtar të madh, edhe pse e dimë që duhet të japim gjithçka. Jetohet për ndeshje të tilla. Jemi dukshëm outsider, por në futboll nuk dihet kurrë çfarë mund të ndodhë”.
