Ish-kapiteni i Inter, Mauro Icardi është duke kaluar një moment të vështirë në karrierën e tij. Problemet me Spallettin dhe shokët e skuadrës në sezonin që u la pas duket se do ta ndjekin edhe tani që Antonio Conte mori drejtimin e zikaltërve.
Ai nuk bën pjesë në planet e trajnerit të ri dhe dirigjenca zikalëtr po sheh opsionet për ta larguar nga ekipi dh po shikon të sigurojë zëvendësuesin ideal. Për këtë situatë të pakëndshme të gjithë kanë drejtuar gishtin nga bashkëshortja menaxhere e tij Wanda Nara.
Problemet nisën nga momenti që Wanda u bë pjesë e një emisioni televiziv dhe deklaratat e saj përçanë ambientin zikaltër. Por pavarësisht situatës së rënduar me skuadër, Icardi dhe Wanda janë duke kaluar pushimet. Modelja Wanda Nara këtë mëngjes ka publikuar në Instagram një foto me bikini ku tregon format e saj, duke lënë mënjanë problemet dhe streset e karrierës së të shoqit.
