Rusia ka regjistruar ditën e sotme një tjetër rekord, për numrin më të madh të rasteve me koronavirus brenda 24 orëve.
Sipas Worldometer, ditën e sotme në Rusi janë shënuar 11,656 raste të reja duke e çuar në 221,344 numrin total të rasteve të identifikuara.
Kështu Rusia renditet e treta në botë për numrin më të madh të rasteve me COVID-19, duke ia kaluar Italisë dhe Mbretërisë së Bashkuar.
Brenda 24 orëve të fundit, në Rusi janë shënuar 94 viktima duke e çuar në 2,009 numrin total të viktimave. Në raport me numrin e rasteve, Rusia regjistron numrin më të vogël të viktimave.
Prej 9 ditësh, Rusia vijon të regjistrojë mbi 10 mijë raste të reja brenda një dite të vetme.
Autoritetet ruse konfirmuan se rritja e numrit të të infektuarve që prej një jave shpjegohet me faktin e rritjes së numrit të testimeve të kryera, 5,2 milionë, dhe jo nga përshpejtimi i përhapjes. Kjo shpjegon gjithashtu dhe numrin e ulët të vdekshmërisë.
