Një shtetase 36-vjeçare, në bashkëpunim me një 28-vjeçar, të dy banues në Përmet, kanë organizuar vjedhjen e një 63-vjeçari, ku i kanë marrë 75 mijë euro. Burime zyrtare të policisë njoftojnë se shtetasit me inicialet K. P., 63-vjeç, banues në Përmet, i kanë vjedhur shumën 75 mijë euro në banesën e tij në Përmet.
Nga ana e uniformave blu u bë e mundur ndalimi i shtetases me inicialet O. Sh., 36-vjeçe, banuese në Përmet. Po kështu është shpallur në kërkim shtetasi P. P., 28-vjeç, banues në Përmet (me precedent të mëparshëm kriminal në fushën e vjedhjes me dhunë”). 36-vjeçarja dyshohet se në bashkëpunim me 28-vjeçarin, kanë vjedhur shumën prej 75 000 euro në banesën e shtetasit K. P.
Njoftimi nga Policia e Përmetit:
Zbardhet dhe dokumentohet ngjarja e ndodhur në Përmet, ku një 63-vjeçari i vodhën një shumë parash në banesën e tij.
Kapet dhe ndalohet një shtetase e dyshuar ai autore e ngjarjes, shpallet në kërkim bashkëpunëtori i saj.
Policia e Përmetit, menjëherë pas marrjes së kallëzimit se shtetasit K. P., 63 vjeç, banues në Përmet, i kishin vjedhur shumën 75 000 euro, në banesën e tij në Përmet, organizoi punën dhe falë veprimeve të shpejta dhe profesionale bëri të mundur kapjen dhe ndalimin e shtetases O. Sh., 36 vjeçe, banuese në Përmet dhe shpalljen në kërkim të shtetasit P. P., 28 vjeç, banues në Përmet (me precedent të mëparshëm kriminal në fushën e vjedhjes me dhunë”).
Shtetasja O. Sh., dyshohet se në bashkëpunim me shtetasin P. P., ka vjedhur shumën prej 75 000 euro në banesën e shtetasit K. P.
Në cilësinë e provës materiale u sekuestruan 27 000 euro.
Materialet hetimore i kaluan Prokurorisë së Rrethit Gjyqësor Përmet, për veprime të mëtejshme.
