Një 25-vjeçar ka përfunduar në prangat e policisë, pasi akuzohet se ka grabitur 2 milionë lekë të reja në banesën e kushëririt të tij në Kamëz.
Sipas njoftimit të policisë, në gjendje të lirë janë proceduar edhe dy shtetas të mitur. Bëhet fjalë për G. Q., 15 vjeç, dhe A. Q., 14 vjeçe.
“Nga tërësia e veprimeve hetimore dhe procedurale të kryera ka rezultuar se në datë 11 nëntor 2016, këta tre shtetas në bashkëpunim me njëri-tjetrin kanë vjedhur banesën e shtetasit Xh. Q., ku kanë marrë 2 milionë lekë të reja”, thuhet në njoftim.
Reagimi i plotë:
Operacioni për zbardhjen e vjedhjes të ndodhur më datë 06 nëntor 2019, ku në banesën e shtetasit Xh. Q., u vodhën 2 milionë lekë të reja.
Vihet në pranga një shtetas dhe dy të tjerë procedohen në gjendje të lirë.
Shërbimet e Komisariatit të Policisë Nr.5, finalizuan me metoda proaktive operacionin policor të koduar “Cousins” në kuadër të cilit u arrestua shtetasi:
– A. Q., 25 vjeç, banues në Kamëz (kushëri i pronarit të banesës së vjedhur, shtetasit Xh. Q.,).
Si dhe u proceduan në gjendje të lirë shtetasit:
– G. Q., 15 vjeç, dhe A. Q., 14 vjeçe, banuese në Kamëz
Nga tërësia e veprimeve hetimore dhe procedurale të kryera ka rezultuar se në datë 11 nëntor 2016, këta tre shtetas në bashkëpunim me njëri-tjetrin kanë vjedhur banesën e shtetasit Xh. Q., ku kanë marrë 2 milionë lekë të reja.
Materialet iu referuan Prokurorisë së Rrethit Gjyqësor Tiranë për veprën penale “Vjedhje e kryer në bashkëpunim”.
