Një sasi tritoli i është vendosur sot një linje transmetimi të energjisë në Laç. Lidhur me ngjarjen ka reaguar menjëherë Spiropali, e cila lë të kuptohet se përgjegjëse për veprimin është opozita.
Në një postim në Twitter, Ministrja e Shtetit për Marrëdhëniet me Parlamentin shkruan se “dihet se kush iu bie shtyllave nga tërbimi i dëshpërimit”.
“Vesi del me shpirtin! Goditet me tritol linja e transmetimit 400 KË në Laç dhe pas 30 vjetësh kapituj sherresh e rrëmujash të nxitura nga e njëjta dorë, dihet kush u bie shtyllave nga tërbimi i dëshpërimit! E keni kot, hidhuni përpjetë sa të doni, këtë vend mbrapa dot s’e ktheni?”, shkruan Spiropali.
Mazhoranca ka akuzuar vazhdimisht opozitën se me djegien e mandateve dhe nxitjen e dhunës në protesta dhe jo vetëm, kërkon që të pengojë çeljen e negociatave të Shqipërisë me Bashkimin Evropian.
Vesi del me shpirtin!Goditet me tritol linja e transmetimit 400 KW në Laç dhe pas 30 vjetësh kapituj sherresh e rrëmujash të nxitura nga e njëjta dorë, dihet kush u bie shtyllave nga tërbimi i dëshpërimit!E keni kot,hidhuni përpjetë sa të doni, këtë vend mbrapa dot s’e ktheni?
— Elisa Spiropali (@elisaspiropali) March 18, 2019
