Ish-kryeministri Berisha i ka mëshuar fort faktit se nuk e lë mandatin. Ambasada Amerikane e ka bërë të qartë se ai nuk duhet të jetë në Parlament si deputet i PD-së, e ndërsa kryedemokrati Basha duhet të mbajë një qëndrim zyrtar në shtator mbi fatin e ish-kryeministrit.
Ambasadorja e Shteteve të Bashkuara të Amerikës, Yuri Kim, deri më tani ka dhënë një sërë ultimatumesh të forta ndaj Partisë Demokratike dhe kreut të saj, sa i takon hyrjes së Berishës në Parlament.
Por ky i fundit nuk ka ndërmend që ta lërë me kaq, ndërsa përmend “letrën” e revoltave. Ai u ka bërë thirrje demokratëve që të bëhen bashkë për të rrëzuar qeverinë.
Duke marrë shkas nga eleminimi i Bledar Muçës, 34-vjeç, ai shprehet se vendi qeveriset nga bandat, prandaj duhet të ngrihen qytetarët për përmbysjen e qeverisë.
“Duke denuar me ashpersine me te madhe kete gjendje dramatike ne Lushnje dhe mbare vendin, ju bej thirrje qytetareve te ngrihemi fuqishem per permbysjen sa me pare te pushtetit te droges, dhunes, vrasjeve dhe vjedhjeve”, thuhet në një pjesë të statusit të publikuar në Facebook, nga ish-kryeministri.
TIRANA TODAY
