Kreu i PD Lulzim Basha është përgjigjur shkurt, kur u pyet nëse i trembej një përballje me “zonjën e hekurt të PD”, Jozefina Topalli. Kjo e fundit lajmëroi krijimin e partisë së saj.
“Jo”, është përgjigjur Basha, duke mos argumentuar këtë çështje.
“A besoni ju vërtet atë që gazeta e partisë suaj ka shkruar për Jozefina Topallin dhe Astrit Patozin, se ata janë “kukulla të Ramës”, u pyet sërish kreu i PD.
Edhe kësaj pyetje, kryedemokrati iu shmang, duke thënë se nuk ka kohë për të humbur. “Nuk kam kohë për të humbur, as për ketë çështje e as me asnjë person. Kam prioritete të tjera dhe prioritetet e mia i përcakton interesi publik, askush tjetër”, tha ai.
Dje, Jozefina Topalli kreu aktin e themelimit të një lëvizje të re politike. Ajo foli kundër tre partive të mëdha, që i vuri në të njëjtën linjë.
