Policia arrestoi ditën e sotme katër persona, të cilët akuzohen se janë të përfshirë në trafikimin e lëndëve narkotike nga Shqipëria drejt Gjermanisë.
Mes të arrestuarve është dhe Elvis Gaçaj, i cili nuk është emër i panjohur për policinë.
Gaçaj është dënuar për vrasje në vitin 1992, pasi vrau me thikë shokun e tij.
Duke e goditur në njërën kofshë, i preu arterien kryesore dhe për pasojë bashkëmoshatari gjeti vdekjen në spital. Për këtë ngjarje ai është dënuar me 14 vjet burg, dënim të cilin e ka përfunduar para disa vitesh.
Ndërsa, në vitin 2015 ka qenë objektiv i një atentati në Tiranë, ku mbetën të vrarë 3 persona të pafajshëm, ndërsa ai u plagos.
Ndër të tjera, ai akuzohet edhe për parcelat e hashashit në zonën e Shëngjergjit, si personi që i disponon dhe financon parcelat me lëndë narkotike.
Ndaj Gaçajt ishin organizuar edhe dy atentate të tjera, të kryera me eksplozivë, por që kishte arritur të mbijetonte. Plumbat e nisur për Gaçajn i morën jetën të dashurës së tij dhe 22-vjeçarit që punonte për të.
Ai vetë shpëtoi me dy plagë të lehta në shpatull e në dorë,
Për ngjarjen, policia arrestoi shtetasin Sael Sulaj, 20 vjeç, lindur dhe banues në Tiranë dhe Vasiel Çavo, 23 vjeç, lindur në Tropojë dhe banues në Tiranë.
