Policia ka bërë të mundur arrestimin e shoferit të automjetit tip ”Benz”, i cili nuk iu bind urdhrin të efektivëve për t’u ndaluar, pasi ishte i dyshuar si i përfshirë në trafikimin e lëndëve narkotike.
Ende nuk dihet identiteti i personi të shpallur në kërkim, i cili bëri që policia të dështonte me operacionin e organizuar ndaj tij, në zonën e ”Varrit të Bamit” në kryeqytet.
Makina luksoze me xhama të zinj u ndalua nga Forcat Speciale, të cilët i kërkuan shoferit që të hapte derën, por ai u largua me shpejtësi, duke rrezikuar jetën e tyre.
Pamjet e këtij operacioni, u filmuan nga gazetari i News 24 Ergys Gjençaj, por u bënë shkak për incidentin me policinë, pasi u shtri në tokë dhe u trajtua si bashkëpunëtor. Me gjithë ndërhyrjet e gazetares Klodiana Lala, policia e ka mbajtur për disa minuta gazetarin përmbys me duart pas koke.
Po ashtu gjatë aksionit të sotëm, raportohet se janë ndaluar edhe 3 persona të tjerë por nuk dihen detaje të tjera. Deri më tani nuk ka asnjë deklaratë zyrtare nga Policia e Shtetit për operacionin.
