Roland Kryemadhi, një ditë më parë refuzoi të qaraqitej në gjykatë. Për këtë shkak, policia ka ndërhyrë për ta shoqëruar forcërisht. 37-vjeçari i është kundërpërgjigjur duke u mbyllur në shtëpi, e duke i kërcënuar me armë, të cilën mësohet se ia ka drejtuar dhe fëmijëve të tij. Është kjo historia e Roland Kryemadhit që jeton në Kamëz, i cili me pretendimin e predikimit fetar islam, ka penguar vajzat të ndjekin shkollën.
Si nisi historia?
Zanafilla e kësaj ngjarje ka nisur në maj 2019, kur shërbimi social Kamëz ndërhyn për t’i kërkuar familjes që fëmijët e tyre të ndiqnin arsimin e detyrueshëm 9-vjeçar. Pas kundërshtimit të babait 37-vjeçar, shërbimi social ka njoftuar autoritetet përkatëse. Organi i akuzës e vë menjëherë nën hetim. Më 14 Maj 2019, ndaj tij gjykata caktoi “arrest në mungesë” dhe pak ditë më pas policia arriti ta vërë nën pranga. Në hetim për pengimin e arsimimit të vajzave me argumentin “ se i shkollon Allahu”, është vënë edhe bashkëshortja e tij.
Kryemadhi ka dalë para gjykatës në 25 Maj 2019, dhe ndaj tij është caktuar masa “arrest në shtëpi”. Por as me këtë masë Kryemadhi nuk bëri hapa pas. Vajzat i ndali të shkollohen dhe i vetmi që frekuentonte mësim si të gjithë bashkëmoshatarët është djali i familjes.
Pas ngjarjes së djeshme, mësohet se është shtyrë sërish seanca ndaj tij. Pas ndërhyrjes së RENEA-s dhe negociatave të gjata, 37-vjeçari është vetëdorëzuar, ku ndër të tjera do të përballet edhe me akuzën e kundërshtimit të forcave të policisë.
Intervista
Sa kohë ke shkuar në shkollë?
Fëmija: Një vit
Po më pas?
Fëmija: Nuk kam shkuar më?
Pse nuk ke shkuar?
Një nga familjarët: Mos e lodh më me më shumë shpjegime, nuk dëshiroj.
Fëmija: Nuk dëshiroj
Pse?
Fëmija: Nuk dëshiroj
Selma 13 vjeçe nuk është ulur kurrë në bankën e klasës së parë, për këtë fakt prindërit e saj të dyshuar për prirjet radikale akuzohen nga drejtësia se i kanë mohuar të drejtat përfshirë edhe mos shkollimin e 2 motrave të tjera.
Për shkak se porta nuk u hap pasi i zoti i shtëpisë u arrestua, gjatë intervistës ne nuk mund të shikonim veç syve të fëmijës.
Selma sa kohë ke qenë?
Selma: Vetëm 3 vjet në kopësht.
Mësove diçka nga shkolla dhe kopshti?
Selma: Jo asgjë fare.
Të mungon? Do doje të kishe shoqe dhe shokë?
Selma: Jo jo fare, mami më ka mësuar.
Më lexo pak këtë gjënë Selma
Selma: Udhëzona në rrugë të drejtë, në rrugën e atyre që u ke dhuruar mirësi e jo në të atyre që kanë shkaktuar zemërimin tënd as të atyre që janë të humbur.
Selma, sa bëjnë 5 herë 10?
(Vajza nuk e di përgjigjen, nuk flet).
Selma 5 herë 10-të sa bëjnë?
Tre vajzat e çiftit Kryemadhi e shikojnë botën përmes grilave të vendosura mbi portën kryesore të shtëpisë, ato nuk kanë qenë asnjëherë në shkollë, kanë mësuar të shkruajnë dhe të lexojnë nga prindërit të cilët hetohen dhe gjykohen për keq trajtim të të miturve.
Por e ëma e cila qëndron ndërkohë në shtëpi së bashku me fëmijët, menjëherë sapo bashkëshorti u arrestua, kudnërshton versionin e policisë dhe prokurorisë dhe thotë se ajo i ka mësuar të shkruajnë dhe i mban në shtëpi pasi do që të ruajë nderin e tyre integritetin e tyre dhe jetën e tyre.
Mamaja: Nuk është çështje feje, është çështje morali që duam të ruajmë moralin dhe nderin e familjes.
A mund ta dëgjoj pak vajzën tënde?
Mamaja: Po këtu i ke.
Dua të vijë të më lexojë pak, ku është goca?
Mamaja: Po merr bija ime dhe lexo Kur’an.
Anila: Po ku ta shikoj unë që po lexon ajo?
Mamaja: Unë këtë derë u thash edhe atyre, forcave kompetente kur ikën që mbaruan punë. U thash e bëtë kontrollin e bëtë atë që deshët me bërë, tani e mbrapa porta ime nuk hapet më, ka thënë ajo për “Top Channel”.
Besa tregon se i gjithë ky vendim i çiftit Kryemadhi nisi pas një incidenti të ndodhur asaj në qendër të Kamzës gati dhjetë vite më parë.
Mamaja me lot në sy: Unë kam qenë shkaktare që i kam thënë burrit, unë nuk dal më vetëm nga kjo shtëpi sepse më rastisi që dola në Kamëz dhe dikush më ngacmoji dhe unë u ndjeva shumë keq.
Prokuroria mendon se tre vajzat e mitura u ndaluan për të vajtur në shkollë dhe u mbajtën me dhunë nga prindërit, njëri prej tyre Roland Kryemadhi tashmë gjendet i arrestuar pasi kundërshtoi policinë dhe kanosi gjatë kohës që agjentët tentuan ta shoqrojnë forcërisht.
I njohur në lagje për prirjet radikale, 39-vjeçari ka deklaruar se do ti mësojë vajzat në rrugën e zotit dhe jo në shkollë.
Banorja: Nuk i çon, nuk ka besim.
Sa kohë ka që nuk i çon?
Banorja: Vetëm të madhen ka çuar në klasë të parë.
