Kreu i LZHK-së, Dashamir Shehi, e ka cilësuar kryeministrin Rama si një sulltan të vogël që bredh anembanë Shqipërisë. Për të, kjo situatë ka degraduar, e ndërsa populli e sheh për momentin si shpëtimtarin e vetëm. I ftuar në emisionin “360 gradë” në RTV Ora, Shehu nuk nguron që ta cilësojë veçse si një show të gjitha tentativat e Ramës pas tërmetit të 26 nëntorit.
Dashamir Shehi: Situata nuk politizohet. Nuk bëhet për të hipur një person. Kush është ky? Mesia! Ky i ndërton shtëpiat, ky i ngre çadrat, ky i ngroh fëmijët!! Çfarë është ky shtet kështu?! Ky është sulltanat, vetëm injoranca pret që vetëm nga një vjen.
Artur Zheji: Kemi parë disa persona që i kanë puthur dorën kryeministrit. Kjo tregon që populli e do.
Dashamir Shehi: Mos dil te ai popull, ai është kaq hallexhi, saqë ai mendon se sikur ti kalojë ai brigadieri i zonës, ai mendon se është shpëtimtari. Një sulltan i vogël që bredh poshtë e përpjetë Shqipërisë, merr dhe një hoxhë me vete. Kjo është Shqipëria e 2020, me këtë do ti dalim përballë Evropës ne? Jo, jemi shumë prapa.
