Një 16-vjeçar në Itali ka gjetur vdekjen si pasojë e një aksidenti me makinë.
Aksidenti i rëndë ndodhi gjatë orës 02.00 të mëngjesit të kësaj të diele, kur mjeti me të cilin po udhëtonin 8 persona u përmbys pas përplasjes me disa shtylla ndriçimi.
Mediat italiane bëjnë me dije se bashkë me të në makinë ndodheshin edhe 7 bashkëmoshatarë të tij. Të gjithë ata morën plagë të lehta dhe ndodhen jashtë rrezikut. Ndërsa nuk ka qenë i njëjti fat për Daniele Burelli, i cili mbeti i bllokuar mes llamarinave duke gjetur vdekjen në vend.
I mituri kishte marrë makinën e të ëmës pa leje. Para përplasjes ata kishin publikuar një video në Instagram, ku me shaka shpreheshin: “Jemi tetë vetë, në një makinë me pesë vende”.
