Pas katër muajsh që qëndronte i mbyllur, muzeu me famë botërore ‘Louvre’ në Paris është rihapur ditën e sotme.
Mediat vendase bëjnë me dije se numri i vizitorëve do të jetë i kufizuar, ndërsa mbajtja e maskave do të jetë e detyrueshme për të gjithë.
Sa i takon galerive, ku distancimi fizik është më vështirë të respektohet, ato nuk do të hapen fare. Muzeu zakonisht pranon 10 milionë vizitorë në vit, shumica e të cilëve nuk janë nga Franca. Kjo e bën atë muzeun më të vizituar në botë.
“Louvre” i cili ka qëndruar i mbyllur që prej muajit mars për shkak të pandemisë, përllogaritet të ketë pasur një humbje financiare prej 40 milionë eurosh.
