Tërmeti i mëngjesit të së martës, me forcë 6.4 ballë ka shkaktuar dëme të mëdha në pjesën më të madhe të vendit.
Më e goditura nga tërmeti i 26 nëntorit ishte familja Lala, prej 8 anëtarëve në zonën e ish-Kënetës në Durrës. Shtatë prej tyre humbën tragjikisht jetën, ndërsa i mbijetuar i vetëm Ramë Lala ndodhet në gjendje të rëndë shëndetësore.
17-vjeçari është dërguar ditën e sotme për mjekim më të specializuar në Bolonja të Italisë. Lajmi bëhet i ditur nga familjarët e të plagosurit.
Kujtojmë se deri më tani, si pasojë e tërmetit të fuqishëm janë shënuar 50 viktima, ndërsa kërkimet vijojnë akoma.
