Pas akuzave të kryeministrit Edi Rama se prokurori i Durrësit, Arjan Ndoja punon për llogari të një grupi kriminal, Këshilli i Lartë i Prokurorisë nis shqyrtimin për prokurorin në fjalë.
KLP do të merret me shqyrtimin e kësaj çështjeje, ku do të vendosë nëse Ndoja ka kryer apo jo shkelje ligjore.
Kryeministri Rama hodhi akuza ndaj Ndojës gjatë seancës parlamentare mbajtur të enjten. Po ashtu, edhe zv.kryeministri, Erion Braçe pretendon se prokurori ka kërcënuar drejtorin e Kadastrës në Durrës, Liridon Pulën që të jepte dorëheqjen para se të kallëzohej penalisht.
