Kryeministri Edi Rama shpërndau sot në ‘Facebook-un’ e tij postimin e ministres së Infrastrukturës Belinda Balluku, ku u njoftua se u firmos kontrata për ndërtimin e hekurudhës së re Tiranë-Durrës.
Në postimin e shpërndarë, nuk kanë qenë të pakta komentet që i kujtojnë Ramës premtimet e bëra që në vitin 2013, ndërsa ky i fundit ka replikuar.
“Infrastruktura e rrugëve dytësore nëpër njësi copë-copë, i keni lënë në harresë totale“, shkruan një komentues, ndërsa Rama përgjigjet: “Sipas teje po, në fakt jo, asgjë nuk kemi lënë në harresë, po nuk kemi shkop magjik t’i bëjmë në 7 vjet ato që su bënë në 70“.
Një tjetër komentues shkruan: “Janë kujtuat pas 8 vitesh për të mashtruar shqiptarët sepse Belinda s’mban përgjegjësi se nuk do hedhë asnjë lekë“, ndërsa Rama nuk ka kyrsyer një përgjgje të gjatë: “Kur njeriu nuk do të shikojë nuk i hyjnë në punë as katër sy, jo dy, por do ti s’do ti e para, s’jemi kujtuar mbas 8 vitesh se s’janë bërë akoma 8 vite në qeveri; e dyta, kemi 3 vite që punojmë me këtë projekt; e treta, Banka Europiane për Rindërtim dhe Zhvillim nuk është PD-ja që nënshkruan rindërtimin e Teatrit Kombëtar, sepse s’mban asnjë përgjegjësi përpara qorrave që e besojnë; e katërta, mos u mërzit fare sepse hekurudha do bëhet”. Një komenti tjetër Rama përgjigjet: “Ju demokratikasit jeni aq pa lidhje, sa nganjehere te shtoni jeten me humor“.
