Specialistët për hetimin e krimit ekonomik dhe financiar në Drejtorinë Vendore të Policisë Elbasan së fundmi kanë bërë ndalimin e pedagogut Denis Himçi, 36 vjeç.
Ndalimi është bërë pas transmetimit të pamjeve filmike në emisionin investigativ “Stop”, ku pedagogu i kërkonte favore seksuale një studenteje në këmbim të dhënies së provimeve.
Pedagogu i Universitetit “Aleksandër Xhuvani”, Elbasan, akuzohet për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i personave që ushtrojnë funksione publike”.
