Kishte shkuar për të mjekuar krahun që e kishte lënduar në punë, por mjekët zbulojnë se ai ishte i infektuar me koronavirus. Ky rast i rrallë ka ndodhur në Kosovë, ndërsa pacienti i frikësuar është zhdukur nga spitali.
Ishte krejt rastësore kur u zbulua se 51-vjeçari ishte infektuar, pasi ditën e hënë kishte shkuar në QKUK për të mjekuar krahun.
Mjekët e emergjencës e kishin izoluar në dhomat e veçanta, teksa prisnin rezultatet e analizave. Duke shfrytëzuar çastin kur vëmendja ka ikur nga ai, pacienti është larguar. Gjithsesi, falë policisë ai është kapur.
Pacienti nga Malisheva arriti që të kapej nga policia, dhe aktualisht mbahet në spital. Bëhet me dije se kanë filluar të gjurmohen edhe kontaktet e tij.
