Aktori i njohur i humorit, Koço Devole është infektuar me Covid-19. Mësohet se prej disa ditësh, 77-vjeçari ndodhej i shtruar në Spitalin Infektiv.
Pas përmirësimit ai kishte lënë spitalin dje, por situata është shëndetësore e tij është përkeqësuar. Devole është rikthyer me urgjencë duke e vendosur në intubim.
Koço Devole vuan edhe nga sëmundje të tjera bashkëshoqëruse, mes tyre edhe leuçemia, të cilat e bëjne edhe më shqetësuese situatën. Prej mbrëmjes së djeshme, aktori dhe regjisori po lufton për të fituar betejën me virusin e rrezikshëm, ndërsa familja dhe të gjithë miqtë janë me shpresë dhe besim që ai do t’ia dalë.
Ai është një nga personalitet më të njohura të humorit shqiptar. Përveçse është një aktor i shkëlqyer humori, Devole është karikaturist, skenarist, regjisor dhe prezantues spektaklesh. Rolet e tij në skene dhe ekrane janë nga më të njohurit për publikun shqiptar.
Devole ka qenë skenarist dhe aktor në koncertet e vitit të Ri te RTSH-se ne vitet 1979 – 1997 si edhe autor dhe Regjisor ne telekomedite: Çanta e zeze 1986, Të gjallë apo të vdekur 1996, Çanta me nje milion 1993, Nje dite i cmendur 1995, Pushime në Romë 1996, Tre shoke pa sherbyesen 2001, Karafili dhe Kleopatra 2001, Milioneri 2005, Na ishte njehere Shqipëria 2009.
Vitet e fundit, Koço Devole ka punuar si skenarist në emisionin “Fiks Fare”. Gjithashtu, Koço Devole eshte autor dhe regjisor i shume spektakleve skenike.
